Ráðgjöf vegna málþroska barna 0-6 ára

Ráðgjöfin er ætluð foreldrum sem hafa áhyggjur af málþroska barns síns eða vilja fá leiðbeiningar um hvernig þeir geta stutt við málþroska þess.

Fyrir ráðgjafartímann eru foreldrar beðnir um að fylla út bakgrunnsupplýsingar um barnið, málþroska þess og þær áskoranir sem það stendur frammi fyrir. Þannig er hægt að undirbúa ráðgjöfina með þarfir barnsins og fjölskyldunnar í huga.

Í ráðgjöfinni fá foreldrar einstaklingsmiðaðar leiðbeiningar og hagnýtar hugmyndir um hvernig þeir geta eflt málþroska barnsins í daglegu lífi.

Ráðgjöfin felur ekki í sér formlegt málþroskamat eða greiningu á barninu, heldur leiðbeiningar til foreldra um hvernig þeir geta stutt við málþroska þess.